كل انسان له وطن يعيش بداخله, الا انا... فهناك وطن يعيش بداخلي. وطني العزيز..الوطن العربي و فلسطين
الأربعاء، أغسطس 30، 2006
كقانا غبائا و جهلا
لست ادري كيف ابدأ هذه المقالة و لكني مندهش .. في غاية اندهاشي و ذهولي لما اسمع و اشاهد عن الاحداث الاخيرة في لبنان . بعد النصر العظيم اللذي لاحظه الجميع و اعترف به الشعب الصهيوني من اصغر رجل في الكيان الصهيوني الي اكبر كبار رجال هذا الكيان من ساسة و قواد حتي وصل الاعتراف الي رئيس الوزراء الصهيوني الارهابي بهزيمة جيشة علي يد رجال حزب الله.
لا اريد مدح حزب الله او حسن نصر الله فكثيرا ما كتيت في مديحهم و تمجيد انتصاراتهم , و لكن هذا النصر المؤكد الذي حققته المقاومة اللبنانية _و انا مصر علي مقولة لبنانية_ تأكيدا علي هداف هذا الحزب المعروفة و الذي تسعي قوي داخلية و خارجية علي التشكيك في انتماء هذا الحزب و اهدافه المرجوة من الاحتفاظ بسلاحة الشرعي .
و لكن مع الاسف , هناك من الداخل العربي من ما زال يشكك في انتصار و انتماء حزب الله و الانضمام الي (الطائفة الضالة) الذين بدلا من التنديد بالعدوان الصهيوني علي لبنان .. اعطوا له الذريعة و الضؤ الاخضر بالانقضاض عي لبنان و تدميره .
و في تقديري الخاص _بل من المؤكد_ ان هؤلاء الذين يفعلون ذلك اما يفعلونه لمصالحهم الشخصية او لتحقيق مكاسب سياسية , و الاخرون فدوافعهم ليست الا دوافع طائفية استطاع العدوان و الاستعمار ادخالها في نفوسهم المريضة , حتي انهم اصبحوا يهاجمون الشيعة و ينددون بحزب الله و يستنكرون مقاومته .. حتي انها وصلت الي تحريض السنة الاخرين علي عدم التعاطف مع الحزب او الانخداع في البرنامج النووي الايراني و الدعوات الايرانية لتدمير اسرائيل و ما الي ذلك.
انتم يا من تدعون انتماءكم و حبكم لنبيكم و نصرتكم لأمتكم اين كنتم و اين انتم الان ؟؟!! , ماذا فعلتعم عندا رسم نبيكم بطريقة مهينة و ووصفه بالارهابي.؟؟!!! , اين حكوماتكم و حكامكم المسلمين من هذا الموقف و ماذا فعلوا كردة فعل احتجاجية علي هذه الاهانة ؟؟!! اين انتم
انظروا ماذا فعل الشيعة لنبيكم و نبيهم ... بالنسبة لحزب الله الشيعي اول من قام بالتنديد و الصلاة علي محمد و الدعوة لنصرته و مقاطعة منتجات الدنمارك التي تغرق اسواقنا العربية , و كل خطاب للسيد نصر الله لكي يحمس رجاله و مؤيديه يدعوهم للصلاة علي محمد و علي اله و صحيه , هذا هو الحزب الشيعي الذي لا تريدوا نصرته بل و تهاجموه . اما بالنسبة لايران فأنا لا اصدق كل ما يقال عنها و المحاولات المتكررة لتشويه صورتها و محاولة وضعها كمحتلة للعراق بدلا من الامريكان و كمتدخلة في شؤون الامة العربية بدلا من الصهاينة _العدو الاول _ و الامريكان و من يريد الشر لأمتنا الاسلامية و العربية جمعاء , فهذه الدولة الشيعية بل الاسلامية كثيرا ما ناصرت المسلمين في بقاع الارض و كثيرا ما دعمت و ما زالت تدعم المقاومة الفلسطينية في فلسطين , و اللبنانية في لبنان و العراقية في العراق , و عندما اسئ لنبينا اول دولة تقوم بسحب السفير الدنماركي في طهران و مقاطعة المتجات الدنماركية و منعها من دخول البلاد و ايضا محاسبة كل من يثبت تعامله مع الدنمارك _ هذه سياسة مسلم حريص علي اسلامه و دينه .
اخيرا اود القول بأن امتنا ليست في حاجة لمزيد من التمزيق و التفريق , و يكفينا شرفا ان هذا الحزب المسلم _بغض النظر عن شيعته_ قد حقق نصرا عظيما علي الكيان الصهيوني بأعتراف الاعداء انفسهم , و لابد ان لا نندرج وراء المهاترات و التفريق فالشيعة هم اخوتنا و همهم همنا و نصرهم هو نصر لأمتنا جميعا و لن نحقق النصر الا بلملمة اوراقنا و لم شملنا عرب سواء مسلمين او مسيحيين , سنة او شيعة , دروز او موارنة فهدفنا واحد هو تحرير الارض و توحيد الامة تحت راية واحدة _و الوحدة حليفتنا ان شاء الله_ م
يااااه , ايه الزمن اللي احنا عايشين فيه ده؟؟ , عايشين في غابة , في مسرحية؟؟ , كل واحد حاتت علي وشه ميت الف قناع بيدحك بيه علي خلق الله , النفاق و الكدب و السرقة و الخداع كلها صفات بقت حاجة عادية في زمننا ده . امريكا .. الامبراطورية العظيمة اللي عاوزة تنشر الديمقراطية و حقوق الانسان و الاصلاح و .. و.. و , امريكا الديموقراطية اللي بتحترم حقوق الانسان و المرأة و الطفل و المسن بتدرب بعرض الحيط كل القيم و المبادئ اللي بتوهم العالم بيها و عاوزة تبتلينا بيها. الاصلاح في الشرق الاوسط ( العالم العربي سابقا) لازم يلتزموا بالاصلاح و يغيروا المناهج و يشيلوا كل اية قرأنية او غير قرأنية تشجع علي الارهاب و العداء مع اليهود و الامريكان _اي نعم_ هو ده الهدف و اكيد مش خافي علي حد فينا كل اللي الامريكان عاوزينه . انا يقي بقول لأ , بقول لأ للامريكان و اليهود و الاوروبيين و العالم كله .. احنا مش عاوزين ولا الديمقراطية بتاعتكم و لا حقوق الانسان و لا حقوق المرأة يا حلوين و روحوا شوفولكوا شعب تاني غير الشعب العربي المسكين املوا عليه شروطكو و اوامركم اما احنا فسيبونا في حالنا بقي . الديمقراطية بتاعتكم دي مش عاوزينها , الديمقراطية اللي بتشكلوها علي كيف اللي خلفوكوا , لازم الشعب يقرر مصيره من الحكام المستبدين , لازم الشعب يعيش بسلام يمارس حقوقه _صح الحاكم اللي دوروا يخلص لازم يشجعونا اننا نتخلص منه_ هي دي الديمقراطية الامريكية. يا حلاوتكم .. بتدعوا للحرية و حماية حقوق الانسان , انسان ايه يا بو انسان الانسان اللي اتقتل و اتشوه و اتدمر و اتنكل بجثته , الانسان اللي قاعد في بيته سالم يجي الصاروخ ينزل عليه يدمره و يدمر اللي خلفوه , الانسان اللي بقي لا يساوي حتي الرصاصة اللي جندي اسرائيلي من بتوعكم بيطلعها . حقوق الطفل .. الطفل اللي اتقتل و اللي جلده ساح و اللي اتحرم من اهله مدي الحياة و اتحرم حتي يقول عاوز لعبة , بقي كل همه انه يلاقي لقمة تسد جوعه . حقوق المرأة _اي نعم حقوق المرأة_ انها تقلع الحجاب و تتيرج و تترك دينها و جوزها و اهلها و تصيع في الشوارع مع اللي لا يعرف ربنا ولا نبينا . الاصلاح _برده الاصلاح_ اللي الهدف منه تغيير المناهج و ازالة كل ما له علاقة بالصراع العربي الصهيوني و العدو الامريكي , و الهدف من الاصلاح يتاعكم مسح الدين من علي خريطة التعليم و نحط بدل منه مادة اسمها الاخلاق _ اخلاق ياولاد الكلب_ الاخلاق بتاعتكم اللي هي عري و انحلال و جنس و مخدرات و خمر و ميسر و قمار و الة حيه _هو ده الاصلاح_ ايو هو ده يااااااه كل الكلام ده و لسة مافهمتوش , لسة يا عرب مافهمتوش اية اللي عاوزه الامريكان منكم؟؟؟ , لسة زي ما انتم جهله و علنياتكم؟؟؟ , لسة عاوزين الديموقراطية الامريكية و الصهيونية؟؟ , لسو يا بنات عاوزين حقوقكم و حقوق المرأة , لسة يا حكام ساكتين و سلبيين و انهزاميين ؟؟ , لسة يا جدعان؟؟ امته هتفوقوا بقي ما فضلش كتير , الوقت ارب يخلص و النهاية اربت. بس انا بردة متفائل _اكيد متفائل_ طالما لسة في زي حسن نصر الله و محمود احمدي نجاد و بشار الاسد و حمدي قنديل و مصطفي بكري لازم اتفائل و ابص للحياة بمنظار الامل و الحرية , حريتنا هناخدها ان شاء الله شاء العدو المتغطرس ام ابي هناخدها ان شاء الله و انا و انتم و الزمن طويل ان شاء الله
اليوم و كل يوم , و انا قاعد في الجامع و زي ما فكرت قبل كدة لما لأيت الجوامع اغلبها عبارة عن عواميد من غير اي زخرفة او ايات قرأنية. قلت لعقل بالي لي ماروحش للشيخ و انا فاضي في الاجازة و اقترح عليه اننا نتفق مع واحد مزخرف قد الدنيا و نخلية يزخرف الجامع الكبير بتاعنا ؟؟!! الحقيقة انا كنت خايف يعني للشيخ يتريق عليا ولا حاجة بس روحت و ماخفتش و استنيت كان في راجل بيكلم الشيخ استنيت لحد ماخلص و جيه دوري .. سلمت عليه و قلتله" ازاي حضرتك؟ , الحقيقة انا عاوز استشيرك في حاجه , انا لاحظت ان جوامعنا عبارة عن عواميد بس من غير زخرفة او نقوش علي عكس ماكانت الجوامع عليه زمن الامويين و العباسسين عصر عزة المسلمين , فلي مانحاولش نزخرفها و نتفئ مع واحد مزخرف؟؟ " قام رد عليا و قالي بس دي محتاجه فلوس كتير , و باعدين نزين مساجد قبل ما نعمرها ؟؟ ده يادوب في صلاة المغرب و العشا ما بيبقاش فيه غير سطرين مصلين , و سيدنا محمد قال " سيأتي زمان علي امتي يزينون فيه المساجد و لا يعمرونها " هكذا انهي حديثه معي قلت في عقل بالي كلامك صح يعني بجد حاجة تكسف امة اسلامية قال سيدنا محمد عليها "اني مباهي بكم الامم يوم القيامة" و في صلاة الفجر مافيش غير سطر و لا سطرين؟؟ فعلا و حتي ياريت يكون في تزيين من غير تعمير كنا قلنا مأدور عليها , لكن الزمان ده _مع الاسف_ ولا تعمير ولا تزيين , انا قررت قرار و انا علي طول بقول ابدأ بنفس اولا و ماليش في حد تاني انا قررت ان شاء الله علي قد ماقدر انزل اصلي الصلوات في الجامع _طالما فاضي و ماواريش حاجة_ و انته بقي هتعملوا ايه؟؟ لازم كل واحد فينا يبدأ بنفسه من غير مايبص للتانيين و ان شاء الله نعيد امجاد الامة الاسلامية من تاني