نقدر نقول هابي نيو يير

ساعات قليلة بتفصلنا عن توديع عام 2007 و استقبال العام الجديد 2008. هنودع سنة كاملة بحلاوتها و بمرها, بقساوتها و فرحها, بكل ما فيها من دموع و ابتسامات و شجن.



سنة جديدة بنحلم فيها بحاجات ماحققناهاش في السنة اللي قبلها, بس يا تري ممكن نحقق حاجات جديدة في السنة الجديدة من غير ما نبص بصة علي اللي حصل في السنة اللي قبلها؟!!!... طبعا ماتجيش



عشان كدة تعالوا بينا نبص بصة علي اللي حصل في 2007 عل و عسي ناخد منها عبرة

----------------------------------------------------------

من ابرز الحاجات اللي حصلت في 2007 في الوطن العربي هي ارتفاع عدد المهاجرين غير الشرعيين من مصر للدول الاوروبية... طبعا, مش تلت تربع الشعب المصري تحت خط الفقر؟! و نص الشباب المصري عاطل؟! ليهم حق يبصوا برة مدام مش لاقيين حاجة جوة



انا بسأل نفسي دايما, لو انا -لاسمح الله- عاطل او مش لاقي أكل, او لا قدر الله كدة عايش في الحضيض.. ايه اللي ممكن اعمله؟؟؟ هل هروح اسرق او اشحت, و لا انزل زي الشاطر كدة ادور علي شغلانة اكل منها عيش و أئكل اهلي بيها؟؟

طب لو مش لاقي شغل و الحالة منيلة بستين نيلة زي ما احنا شايفين كدة, اعمل ايه؟؟



و ميزة الشعب المصري انه مش الشعب اللي يرضي بحاله لو كان يرثي له, بل علي العكس بيحاول و يعافر عشان يوفر عيشة كريمة ليه و لأهلوا -ده لو قدر- و يحاول يحسن اللي الحكومة مش قادرة تحسنوا, اللي هوة العيشة الكريمة



لما يقرر الشباب الغلبان ده يدور علي شغلانة شريفة في بلاد الخواجات و يحاول يخرج من الجحيم اللي هوة فيه هنا هل كدة يبقي غلطان؟؟ هل كدة يستحق العقاب؟؟ ما كان ممكن الشباب ده بدل ما يوجع دماغه يروح يقشطلوا محل ولا اتنين و يتاجرلوا في قرشين تلاتة حشيش يسلك بيها اموروا صح ولا انا غلطان؟



بس مع الاسف القدر مش سايب الشباب ده في حاله, حتي اللي حاولوا يخرجوا برة بطرق غير شرعية.. المركبة التعبانة غرقت بيهم... اكتر من 18 شاب مصري في زهرة شبابه مات في البحر بحثا عن لقمة العيش في 2007 بالزمة مش حرام. هو حرام بس ما باليد حيلة.



في 2007 بردة و نتيجة للي حصل ده, و كعادة الشعب العربي بيفتكر يعمل حاجة بعد المصيبة ما بتحصل, فرجل الاعمال المغوار السيد نجيب ساويرس كتر خيره وفر 2500 فرصة عمل للشباب المصري عشان يشجعهم علي البقاء في مصر, و ده تبع حملة مصر اولي بولادها. و في فرص عمل ان شاء الله جاية



شكرا جزيلا يا حج نجيب بس من فضلك ابقي افتكر نفسك و مثلحة شباب بلدك قبل ما الطوبة تبقي في المعطوبة

------------------------------------------------------------

تاني خبر معانا هنا و اللي حصل قبل كام شهر من نهاية 2007 و طبعا كلكم عارفينه هو مؤتمر انابوليس المشئوم, اللي كان هدفه وضع البداية لمفاوضات الحل النهائي بين الفلسطينيين و الصهاينة. طب ماحنا بقالنا 60 سنة عاوزين كدة ماحصلش كدة من زمان ليه؟؟؟ و بالرغم من انه حصل قبل كدة كتير بس مش بالشكل بتاع انابوليس, فكل اجتماعات السلام بين العرب و الاسرائيليين تختلف عن انابوليس, اسألوني ليه؟؟؟ عشان انابوليس جاي في وقت غير مبشر بالمرة

فطبعا بعد ما اسرائيل نجحت في الوقيعة بين الفلسطينيين انفسهم و قيام حماس بالسيطرة علي غزة بعد سيل الدماء اللي شهدته ارض غزة و الضفة في 2007 شئ لا يحتمل, فبدل ما نقاتل اليهود و الصهاينة صرنا نقاتل انفسنا -وا خيبتا- هي مش زي اللي حصل في ال 67 بل العن, هي "الوكسة" اللي ما بعدها وكسة... احنا لاقيين سلاح يكفي نقتل بيه اليهود لما نقتل بيه نفسنا؟؟!!!! و الله خيبة بس كان لازم حماس تستولي علي غزة طبعا عشان توقف سيل الدم هذا



و نتيجة لفعلة حماس المغضوب عليها من فتح ذهب رئيس سلطتنا المبجل لأنابوليس ليس ممثلا عن الشعب الفلسطيني بل ممثلا عن شعب فتح المغوار, و ياريتوا وصل لأشي هيوا زي ما انته شايفين وقت ما كان المؤتمر شغال اليهود قصفوا غزة و قتلوا شهيدين كأنهم بيقولوا هي دي نتائج انابوليس قبل ما نقوم



لا و الطامة الكبري هرولة ملوكنا و رؤسائنا العرب لهذا المؤتمر, و جلوسهم كالولاية يستمعون لما يقوله سيدهم اولمرت باشا و يأمر به



بس احنا كسبنا كتير علي فكرة من انابوليس... عاوزين تعرفوا كسبنا ايه؟؟؟ اللي كسبناه اهه

-----------------------------------------------------------

الخبر الثالث معانا هو متعلق بفلسطين برده... بس بشكل مختلف هو الحجاج غفر الله لنا و لهم... فبعد عناء طويل من اغلاق معبر رفح و الوضع الداخلي المتردي و السلطة الغائبة و الاخوة العرب السلبيين, و بعد قيام الفلسطينيين بأقتحام معبر رفح البري الذي يربط مصر بغزة و فتحهم له بالقوة سمحت لهم السلطات المصرية بخروجهم منه علي ان يرجعوا لفلسطين عبره ايضا, و لكن حصل ما لم يكن متوقعا.... بل جائزا

لقد خرجت لنا اخبار الجزيرة و قبل ايام قلائل من اطلالة العام الجديد علينا بخبر ان السلطات المصرية تمنع عودة الحجاج الي القطاع كما خرجوا عن طريق معبر رفح و اقترحت عليهم لكي يعودوا الي غزة هو الدخول عن طريق معبر كرم ابو سالم علي الحدود المصرية الاسرائيلية و امضاء تعهد من قبل الفلسطينيين علي ذلك... ماذا؟؟؟ هل تعلمون ماذا سيحدث في حال حصل ذلك... ان الفلسطينيين و اعضاء البعثة الفلسطينية التي تحتوي علي عدد كبير من حركة حماس سيخضعون للتفتيش الذاتي الاسرائيلي و سيتم اعتقالهم جميعا لأنهم ببساطة مقاومين ينتمون لحماس.

هزلت... اخواننا العرب المصريين لا يجرؤون علي قتح المعبر علي حدودهم, بل و سيسلمون الفلسطينيين لليهود, المصريين هيسلموا اخوتهم الفلسطينيين -بايدهم- للصهاينة, يا خسارة يا امة العرب, يا خسارة علي شعبنا , يا خسارة علي حكوماتنا اللي ما تجرؤ علي فتح بؤها مع ايا كان فما بالكم بالاسرائيليين. انها للطامة الكبري, و في رأيي انه هذا الحدث في نهاية عام 2007 هو علامة من علامات يوم القيامة, فعلا علامة, بس علامة من العلامات الكتيرة اللي بنتعرضلها في ظل ضعف و صمت و خزي عربي.

--------------------------------------------------------

اخيرا هي دي بعض -مش كل- اللي حصل في 2007, و انا ملاحظ انه اللي بيحصل في 2007 هو اللي حصل في 2006 و هو اللي هيحصل برده في 2008, فمعاناتنا هي هي, و ضعفنا هو هو, و مأساتنا في حكوماتنا زي ما هية, و حكامنا هما هما, و سلبيتنا هي هي, و اعداؤنا هما هما, و يا حلاوتك يا عام يا جديد, بنحلم حاجة تتغير بس الظاهر انه ده مش وارد في اجندة حكوماتنا و دولنا العربية.

و في بداية العام الجديد لا يسعنا سوي ان نقول هابي نيو يير