ياااه يا ام الدنيا

اعتقد الاهات كترت اليومين دول , بقينا نأهي كتير بس مين يسمع ! نأهي علي كرامتنا اللي ضيعناها بأيدينا , ولا نأهي علي الظلم اللي بيمارس علينا من كل من هب ودب , ولا نأهي من الزمان اللي بعد ما كان عزة و فخر و ايباء اتحول لزلة و كسر و استسلام.

دلوقتي انا بتكلم عن اغلب مناطق الوطن العربي و خصوصا مصر (ام الدنيا) اللي كنت متخيل انها فعلا دولة ديمقراطية . احنا لاحظنا في الفترة الاخيرة رواج للحركة السياسية و الشعبية المطالبة بالتغيير و لاحظنا كل ده علي شاشات التليفزيون و كنا منبهرين بالحال اللي وصلناله و الديمقراطية اللي حققناها و قيام انتخابات حرة ديمقراطية نزيهة انطلقت من مصر ثم اليمن ثم قريبا الي كل الاقطار العربية . و لكن هل فعلا احنا في وطن عربي ديمقراطي؟؟ هل فعلا عندنا حرية رأي تضمن لنا نعيش سالمين ؟؟ _لا اعتقد ذلك_ فالحقائق و الدلائل تؤكد علي شبه خلو المنطقة العربية من الديمقراطية و الصور تؤكد ذلك.

هذه الصور اخذت من داخل السجون المصرية , و مع الاسف كما ترون هذا ظابط يصور زميله و هو يتفنن في ضرب مسجون ربما اذنب و لكن الانسانية لا تقبل بتلك الاهانات التي لا يقبلها انسان حر في وطن حر

هذا حالنا الذي وصلنا له .. اهانة في وطننا و علي يد اهلنا بني جلدتنا ظلم و اهانة و نحن موهومون بالديمقراطية التي وصلنا اليها في عهد حكامنا الحاللين . و الذي اثارني في هذا الموضوع شئ غريب اثار حفيظتي , فكما شاهدنا جميعا ما يحدث في سجن ابي غريب و التعذيب الذي يتعرض له السجناء العراققين و مدي اللامبالاة بحقوق الانسان التي يدعون لها الامريكان في كل المحافل و المجتمعات . فبما انه حقوق الانسان غير محترمة من قبل الامريكان تجاه العرب اللي هما مش من بلدهم فده شئ اظن انه ممكن نعديه , لكن اللي صعب نعديه لما الامسان يفقد كرامته اللي هي اصبحت كل ما يملك بعد صعوبة العيشة و البطالة و الفقر و السلبية .. فلما تيجي الكرامة دي تتاخد من الانسان في بلده ففي شئ غلط , يا امة الحكومات العربية قاصدة ده _فلازم نتخلص منهم_ و يا امة هما مش قادرين يحفظا للانسان العربي كرامته _و برده لازم نتخلص منهم_ يبقي هو ده الهدف

بعد كل اللي انا قلته ده انا مش لاقي كلام تاني اقوله غير حسبي الله و نعم الوكيل في كل حاكم علابي بياكل و ينام و يشرب و يتفسح في الوقت اللي شعبة مش لاقي اللقمة و لا النومة و لا السرير و لا المية النضيفة و مش لاقي حتي الكرامة اللي كانت كل ممتلكاته . مرة تانية حسبنا الله و نعم الوكيل فيكم يا حكام ... يا عرب